قيصده قي والدتي الله يرحمها

غير معرف يقول...
الجوهره الله يطيب ثراها
عسى لها في جنة الخلد منزال
مذكورة بالخير كل بكاها
هلوا دموع فوق الأوجان همال
يدعى لها منشان كثرة عطاها
الله يقبل عذرها بحسن الاعمال
الله يوسع قبرها في لقاها
يا رب تجعل قبرها خير مقيال
وعيالها ندي لهم في عزاها
ندعي لهم بالخير في كل الاحوال

ونخشر أبوهم بالدعا مع دعاها
رجل كريم للصعيبات حلال
ابو عبد الله اللي ارتحل عن شقاها
لعل قبرها يتسع مد الأميال
لاجاله اللي يشتكى من عناها
يشكي عليه الحال من قله المال
يمد له يدين كثار عطاها
حسن السجايا اللي عطياته جزال
نطلب له الجنات باعلى علاها
في جنة الفردوس في خير مدهال
وبدريه المولى يحقق مناها
ندعي لها في مطلع القيل باجلال
وصلاة ربي عد ما امطر سماها
على النبي الهاشمي زين الاقوال

القائل
عبدالعزيز الحسن السلمان
(روضه سدير)